إندونيسيا — ٣ جزر
١٢ يوم بين ثلاث جزر — أكبر معبد بوذي بالعالم، أروع شلالات آسيا، بركان حي، كهوف وسط الغابات، وسباحة وية الدلافين والسلاحف.
نظرة عامة
ما نوديكم لأماكن تقليدية… احنا مختصين بأماكن محد يوصلها. أول خمس أيام مغامرة على الطريق بجزيرة جافا: كل يوم مدينة جديدة، فندق جديد، وتجربة مختلفة تماماً. وبعدها نهدّيها بين بالي وجزيرة جيلي اللي ماكو بيها سيارات.
السعر يشمل
- تذاكر الطيران ذهاب وعودة انطلاقاً من مطار بغداد
- مبلغ إصدار التأشيرة
- النقل الداخلي بالكامل طوال الرحلة: طيران داخلي، سيارة خاصة، قوارب نقل، ونقل عام
- السكن في جميع الفنادق طوال الرحلة
- جميع الدخوليات والفعاليات المذكورة في البرنامج بدون إضافات مخفية
- مرافقة المجموعة من قبلنا طوال الرحلة
- هدية من متجر وبعدين
السعر لا يشمل
- الوجبات والمطاعم
- المصاريف الشخصية الأخرى
- التأمين الصحي (اختياري)
ثلاث جزر برحلة وحدة
جافا
أجمل طبيعة ممكن تتخيلوها — من أروع شلالات آسيا، أكبر معبد بوذي بالعالم، وصعود بركان حي.
بالي
المكان اللي يجمع بين الراحة والمغامرة — شواطئ خيالية، غروب يخبل، وسباحة وية الدلافين.
جيلي
الجزيرة اللي تنسى بيها الوقت حرفياً — ماكو سيارات ولا إزعاج. مي صافي تشوف بيه السلاحف، غروب خرافي، وأجواء ليلية كلها حياة.
المغامرة، يوم بيوم
- 1
أكبر معبد بوذي بالعالم
نبدي الرحلة بمعبد بوروبودور — أكبر معبد بوذي بالعالم — ومعبد ثاني رهيب يمّه.
- 2
أحلى شلال بآسيا
مكان مهيب: سلسلة شلالات وكهف اكو هم! حرفياً مغامرة من العمر مراح تنسوها.
- 3
رحلة قوارب وسط الغابات
ننزل بقوارب وسط الغابات، وبنهايته راح تشوف مفاجأة متتخيلها.
- 4
النزول للكهف بالحبل
نروح لكهف وننزل بالحبل ونخليك تعيد النظر بحياتك. حتتونسون هواية بس لتخافون.
- 5
صعود بركان حي
تصعد وتشوف بركان وتسمع صوته الرهيب.
- 6
أحلى شاطئ والغروب
نروح لأحلى شاطئ وتشوف الغروب.
- 7
السباحة وية الدلافين
مو بمسبح — بالبحر، تسبح وية الدلافين على طبيعتها.
- 8
جزيرة جيلي
نختمها بجزيرة حتتعجب بيها من كل ناحية — أماكن أكيد مراح تكدر توصلها بس وياّنه.
أماكن الإقامة
الأسئلة الشائعة
شنو اختلافكم عن الشركات؟
نوديكم لأماكن مو تقليدية ومحتكرينها عن باقي الشركات. تحس نفسك مسافر وية أصدقائك مو زبون. ماكو سالفة «إذا ما كمل العدد نبيعك لشركة ثانية»، والسعر واضح من البداية بدون مفاجآت، واحنا وياكم خطوة بخطوة. رحلاتنا أطول وسعرها أنسب لأن هدفنا تعيش تجربة سفر حقيقية مو بس نطلع ربح.
ليش الأكل غير مشمول؟
لأن نظام سفراتنا يخلّيك تعيش التجربة الحقيقية. نزور مطاعم محلية سوا ونجرب أكلات البلد مثل أهلها، وكل شخص يطلب اللي يعجبه ويدفع على راحته. وماكو عدنا أي اتفاقات وية المطاعم، يعني ماكو أماكن مفروضة عليكم.
شنو أنواع الفنادق؟
جميع الفنادق ممتازة ومختارة بعناية، وحنسكن وياكم بيها مو وحدكم. تتراوح بين ٣–٤ نجوم وليست منتجعات، لأن رحلتنا يومية تقريباً: مدينة وفندق جديد، ومنبقى بمنطقة وحدة. أسماء وصور بعض الفنادق موجودة بالصفحة.
شلون الحجز يكون؟
الحجز يكون على دفعتين: دفعة أولى عند الحجز ٥٠٪، ودفعة ثانية عند إصدار واستلام التأشيرة ٥٠٪.
ليش مو فقط بالي؟
لأن هاي سوالف شركات. بالي صح حلوة لكنها أقل مكان جمالاً بإندونيسيا، فآخر ٣ أيام حنكون بيها ونزور أهم الأماكن والشواطئ، بعد المغامرة الحقيقية بجافا.